ក្រុមប្រឹក្សាស្រុកកោះកុង បានបើកវេទិកា ផ្សព្វផ្សាយ និងពិគ្រោះយោបល់ របស់ក្រុមប្រឹក្សាស្រុក ជាមួយប្រជាពលរដ្ឋនៅក្នុងឃុំតាតៃក្រោម ស្រុកកោះកុង ក្រោមអធិបតីភាពលោក ឯក ម៉ឹង សមាជិកលេខរៀងទី១ ក្រុមប្រឹក្សាស្រុក និងលោក ជា សូវី អភិបាល នៃគណៈអភិបាលស្រុក និងមានការអញ្ជើញចូលរួមពី លោក លោកស្រីសមាជិកក្រុមប្រឹក្សាស្រុក លោក លោកស្រីអភិបាលរង នៃគណៈអភិបាលស្រុក ប្រធាន អនុប្រធាន ការិយាល័យជំនាញជុំវិញស្រុក មន្រ្តីសាលាស្រុក ក្រុមប្រឹក្សាឃុំតាតៃក្រោម កងម្លាំងកទាំងបី និងបងប្អូនប្រជាពលប្រមាណ ១១៥ នាក់។ ក្នុងវេទិកានេះផងដែរ គណៈអធិបតីបានផ្សព្វផ្សាយពីការផ្តល់សេវារដ្ឋបាល និងសេវាផ្សេងៗ តាមរយៈយន្តការច្រកចេញចូលតែមួយ របស់រដ្ឋបាលស្រុកកោះកុង ជូនប្រជាពលរដ្ឋ និងបានបកស្រាយរកដំណោះស្រាយ ជូនដល់ប្រជាពលរដ្ឋចំពោះបញ្ហាប្រឈម និងសំណូមពរនានា ដែលប្រជាពលរដ្ឋបានលើកមានជាសំណួរ និងការសំណូមពរ។