លោក សាលីម ហ្វារីត ប្រធានមន្ទីរពាណិជ្ជកម្មខេត្តកោះកុង បានអញ្ជើញជួបលោក ប្រាក់ គា ប្រធានការិយាល័យត្រួតពិនិត្យរដ្ឋបាល និងបៀវត្ស ដែលបានដឹកនាំមន្ត្រីរាជការ របស់មន្ទីរមុខងារសាធារណៈខេត្តកោះកុង ចុះត្រួតពិនិត្យលើការកំណត់រចនាសម្ព័ន្ធគ្រប់គ្រង និងមុខតំណែងក្នុងរចនាសម្ព័ន្ធគ្រប់គ្រង ការបើកផ្តល់ប្រាក់បៀវត្ស និងការគ្រប់គ្រងវត្តមានមន្ត្រីរាជការស៊ីវិល និងមន្ត្រីជាប់កិច្ចសន្យា តាមអនុក្រឹត្យលេខ ៥៦ និងអនុក្រឹត្យលេខ ១១៤ របស់រាជរដ្ឋាភិបាល នៅមន្ទីរពាណិជ្ជកម្មខេត្ត។