លោក លឹម សាវាន់ នាយករដ្ឋបាល សាលាខេត្តកោះកុង បានអញ្ជើញដឹកនាំសិក្ខាសាលាផ្សព្វផ្សាយ ស្តីពីនីតិវិធី និងកិច្ចបញ្ជីការ នៃការអនុវត្តចំណូលពីកម្រៃសេវារបស់អង្គភាពច្រកចេញចូលតែមួយខេត្ត និងចំណូលពីកម្រៃសេវា និងចំណូលពីការពិន័យជាប្រាក់ ដែលប្រមូលនៅមន្ទីរ អង្គភាពខេត្ត។

សិក្ខាសាលានេះមានគោលបំណងលើកកម្ពស់ប្រសិទ្ធិភាព នៃការគ្រប់គ្រងចំណូល ដែលបានពីកម្រៃសេវារដ្ឋបាល និងសេវាសាធារណៈផ្សេងៗ តាមរយៈការប្រគល់ ឬប្រតិភូកម្មមុខងារពីក្រសួង ស្ថាប័ននានា នៅអង្គភាពច្រកចេញចូលតែមួយរខេត្ត ដើម្បីកំណត់អំពីការគ្រោង ការប្រមូល ការបែងចែក ការបង់ និងការប្រើប្រាស់ចំណូល ដែលបានមកពីកម្រៃ នៃការផ្តល់សេវារដ្ឋបាល និងសេវាសាធារណៈផ្សេងៗតាមរយៈការប្រគល់ ឬប្រតិភូកម្មមុខងារពីក្រសួងស្ថាប័ននានានៅអង្គភាពច្រកចេញចូលតែមួយខេត្ត៕